"SALAMAT SA LAPIS AT PAPEL"

             Papel na wala ang lapis, chopstick na wala ang isa, kutsara na walang tinidor. Mahirap gamitin ang bagay na hindi kumpleto, hindi ba? Parang sa tao, mahirap ang mag-isa. Mahirap magsalita, kung walang nakikinig para nababaliw na sa kakaisip. Sabi nga nila, “no man is an island”, ngunit tila may mga naiiwan.

            

           Nakakabagot ang walang ginagawa kaya’t kahit gusto ko nang tumigil sa pag-aaral ay kinakaya ang lahat. Lagi mong nasa harap ang lapis at papel na tila humahabol sayo saan ka man mapunta. Dito mo mailalabas ang lahat ng iyong napag-aralan at mga saloobin. Dahil dito ay nakikita mo bawat araw ang benepisyong naidudulot ng edukasyon sa bawat araw. Marami sa atin ay nasasayang ang mga papel at lapis na ni minsan ay hindi pinapahalagahan ng ibang kabataan. Sa pag-aaral nahuhubog ang ating lakas ng loob upang tahakin ang tamang daan.

            Salamat sa lapis at papel na laging nariyan sa akin na laking tulong sa paghubog ng aking kaalaman at harapin ang bukas. Pasensya sa aking kasakasama, kung sila’y napapatakan at sumasalo sa aking luha. Dahil dito’y kinabukasan ko’y unti-unti ko ng natatamo. Mahalaga ang edukasyon, hindi lang para sa ating magulang kundi higit sa lahat para sa ating sarili.